اشتقت الك

موضوع: اشتقت الك الأحد نوفمبر 18, 2012 3:04 am

اشتقت ليك
*********

اشتقت ليك .. وناديت عليك
وانت ما لبيت الندا
اقولك ايه .. وأعاتبك ليه
طيب عاتبني .. تعالي وقولي
أنا زعلتك في ايه
وقولي .. انت ليه ما لبيت الندي
ــــــــــــــــــــــــــــــــــــــــ ــــــــ
دا أنا ياحبيبي
حبيتك حب ما حبوش انسان
ووهبتك قلبي وكان كله حنان
و اتحديت العالم بيك
وقلت دا أحسن انسان
ــــــــــــــــــــــــــــــــــــــــ ــ
ملكتك نفسي ومنحتك حبي
وأمنتك علي سري
وانت .... انت بعتني
بعت قلبي وخنت عهدي
واسيت عليا .. وظلمتني

خنت حبيبك .. وغيرت طريقك
وقولت دا ما كان يوم نصيبك

حبيبي
أنا ابتديت .. وانت انتهيت
لما في يوم قسيت
و نسيت حبيبك
ــــــــــــــــــــــــــــــــــــ
حبيبي
أنا مش هسأل عليك
ولا هارجع تاني ليك
أنا مش ها عتب عليك
ولا يوم ها حن ليك

ما انت ياما قسيت
قسيت علي قلبي
لما كان محتاج اليك
أنا مش هاعتب عليك
ولا هارجع تاني ليك
ـــــــــــــــــــــــــــــــــ
حبيبي
دا أنا كان احساسي بيك
كل يوم بيزيد ويزيد
وانت دايما كنت معايا
عنيد .. وعنيد

ولما كنت أسامحك
كان عندك أكتر يزيد
وتبعد عن حياتي بعيد
طيب خليك .. خليك بعيد

وأنا من غيرك راح أبدا من جديد
ما انت دايما كنت عنيد
وعن حياتي كنت بعيد
وللماضي ولحبك تاني
أنا عمري في يوم ما هاعيد
ــــــــــــــــــــــــــــــــــــــــ ـ
وان قابلتك يوم في طريق
راح أقول دا كان في يوم صديق
دا أنا عمري في يوم ماجرحتك
ولا هأقدر اني اسامحك
ــــــــــــــــــــــــــــــــــــــــ ـــ
حبيبي دا انت كنت هنايا
وكنت الامل وكل منايا
كنت الخير ساكن جوايا

كنت سكني ونصيبي
لما كنت في يوم حبيبي
ـــــــــــــــــــــــــــــــــــ
حبيبي .. حبيبي انساني
ولا تيجي يوم في خيالي
وان طيفك جاني في أحلامي
راح أقوله خلاص انساني

وان جيت أنا يوم في خيالك
ابعد .. ابعد من تاني
واتحداني ان في يوم
راح تقدر تنساني

وقول دي ...دي
مش هي خيالي
ولا كانت بتجيني في احلامي
انساني حبيبي .. انساني