بيانا دوماهي كۆنفرانسێ 3 يێ بنگەهێ لالش تايئ شاريا

دەنگێ لالش / شاريا
ل رۆژا شەمبوويێ رێككەفتى (22/5/2010)ێ و ل ژێر چاڤدێريا رێزدار (ئيسماعيل مستەفا ) دەڤەردارێ دەڤەرداريا سێمێلێ و ب ئامادەبوونا رێزدار (شێخ شامۆ ) بەرپرسێ دەستەيا بلند يا بنگەهێ لالش يێ رەوشەنبيرى و كۆمەلايەتى ل دهۆك و بەرپرسێ ليژنا ناوچا فەيدێ يا پارتى ديموكراتى كوردستان بەرێز


(يوسف سەبرى ) و ژمارەك بەرپرس و نووينەرێن دام و دەزگەهێن ميرى و حيزبى و رەوشەنبيرى و هۆنەرى ل شاريا و دەرڤەيى كۆمەلگەهێ ، بنگەهێ لالش تايێ شاريا كۆنفرانسێ خۆ يێ سێيێ گێرا ، ل دەست پێكێ ب خێرهاتنا ئامادەبوويا هاتە كرن پاشى ماوەيەك بێ دەنگى راوەستيان بۆ گيانێ پاكێ شەهيدێن كورد و كوردستانێ و سەركاروانێ وان بارزانيێ نەمر . كۆنفرانسى دەست پێ كر ب پێشكێشكرنا پەيڤەكێ ژلايێ بەرێز ( سعود مستۆ ) بەرپرسێ بنگەهى و تێدە ئاماژە خستە سەر رۆلێ بنگەهێ لالش ب ناساندنا ئێزدياتيێ و پاراستنا كەلتوورێ رەسەنێ كوردى و ل داويێ داخوازا سەركەفتنێ بۆ دەسەتكا نوو يا بنگەهى خواست . ل دووڤ دا چاڤدێرێ كۆنفرانسى بەرێز ( ئيسماعيل مستەفا ) پەيڤەك پێشكێشكر كو تێدە رۆلێ حوكمەتا هەرێمێ دا دياركرن د هاريكاريكرن و پێشڤەبرنا دام و دەزگەهێن رەوشەنبيرى و كۆمەلايەتى ب تايبەتى يێن جڤاكێ سڤيل ، هەر وەسا داخوازا سەركەفتنێ بۆ كۆنفرانسى كر و پيرۆزباهيێن خۆ ئارستەى دەستەيا نوو كر . پاشى رێزدار (شێخ شامۆ ) بەپرسێ دەستەيا بلند يا بنگەهێ لالش پەيڤەك پێشكێشكر تێدا سوپاسيێن خۆ ئاراستەى دەڤەردارێ سێمێلێ كرن پاشى رۆناهى خستە سەر رۆلێ رەوشەنبيرێن شاريا هەر ژرۆژا دامەزراندنێ د پێشڤەبرنا بنگەهى دە كو بارێ گران هەر ل سەر مللێن وان بوو ، هەروەها ئاماژە دا چقێن بنگەهێ لالش كو مينا دارەكێ خەملينە ب ئەنجام دانا بزاڤ و چالاكيان و دەرئێخستنا گۆڤار و رۆژنامەيان دە . ب ڤى ئاوايى رونشتنا ئێكێ ب داوى هات . ل گۆرەيى پەنالێن كۆنفرانسى ل دەم ژمێر ( 10:30)ێ رونشتنا دوويێ دەست پێكر ب سەرپەرشتيا بەرێزان (سعيد سلو ، سيدو چەتۆ ، دەيان پير جەعفەر ) ئەندمێن دەستەيا بلند يا بنگەهێ لالش دگەل ئامادەبوونا پارێزەرێ كۆنفرانسى رێزدار ( سعيد سليم شمۆ ) وەك چاڤدێرەكى ياسايى و ب هاريكاريا بەرێز (سمير خدر ) ، خواندنا راپۆرتا كۆميتا رەوشەنبيرى ژلايێ بەرێز ( ئيڤان خدر نەمر ) ئەندامێ كۆميتى ڤە هاتە خواندن و گەنگەشە ژلايێ ئەندامێن كۆنفرنسى ڤە هاتە كرن و ل داويێ هاتە پەسەند كرن . ل دووڤ دا راپۆرتا كۆميتا دارايى ژلايێ مامۆستا ( خيرۆ سلێمان علۆ )ڤە بەرپرسێ كۆميتێ هاتە خواندن پشتى هاتيە گەنگەشەكرن ژلايێ ئەندامێ كۆنفرانسى ڤە هاتە پەسەندكرن ل داويێ راپۆرتا كۆميتا پەيوەنديان ژلايێ مامۆستا ( سليمان خدر عەبدى ) ڤە بەرپرسێ كۆميتێ هاتە خواندن ب هەمان شێوە ژلايێ ئەندامان ڤە هاتە گەنگەشەكرن و پەسەندكرن . پشتى خواندنا راپۆرتا ب داوى هاتى دەستەيا بنگەهێ لالش تايێ شاريا هاتە سەر دەپێ شانۆيێ و هەلوەشانا خۆ راگەهاندن و داخوازا سەركەفتنێ بۆ دەستەيا نوو بێتە هەلبژارتن خواست .
بەردەوامى دان ب روونشتنا دوويێ ليژنا سەر پەرشت هەردوو سيستەمێن هەلبژارتنێ وەكو د پەيرەوو پرۆگرامێ بنگەهێ لالش دە هاتى دانە دەنگدانێ و ب زۆرينا دەنگا سيستەمێ تاكەكەسى هاتە پەسەندكرن و دەرگەهێ خۆپالاوتنێ هاتە ڤەكرن ل گۆرەيى ڤى سيستەمى و ئەڤ ئەندامێن ناڤێن وان ل خوارێ خۆ بەربژێركرن بۆ دەستەيا نوو يا بنگەهى :
1 ـ كامل ئۆسمان حاجى
2ـ ئەمين سەيدۆ حەجى
3ـ مستەفا ميرزا بيبۆ
4 ـ نايف چۆچێ عەلو
5ـ مروان على ئيبراهيم
6 ـ نادر شێخ ناسر
7 ـ زياد سەبرى نەعمۆ
8 ـ جلال لازگين دروێش
9 ـ ئيڤان خدر نەمر
10 ـ داسنى سەلمان رشيد
11 ـ سيروان سالەح حەسەن
12 ـ بايز خەلات ئێزدين
13 ـ عدنان حيدر خەمۆ
ل دووڤ دە دەرگەهێ دەنگدانێ هاتە ڤەكرن تا دەم ژمێر ( 4:00 ) ى ئێڤارى ب رێژەيا 64% ژئەندامێن بنگەهى بەشدارى كريە د هەلبژارتنان دە كو سەرجەمێ بەشدارا گەشتە 335 دەنگدەرا ژسەرجەمێ گشتى 518 ئەنداما . دەرگەهێ دەنگدانێ هاتيە گرتن