اشذكرك

اشذكرك بيه واجيت .. ؟
انه بابك حيل سديته
وگلت انساك گوه .. وانتچيت
اشذكرك بيه واجيت
خلني اترجاك..
خلني ابروح ميتينك
ولك توني نسيت
اشذكرك بيه واجيت
هواي گبلك ..
دگوا اشبابيچ عمري .. وعاندتهم
مادريتك تاخذ اسنيني غفل
واتصير صفنة عمر بيه
مادريت
اشذكرك بيه واجيت
بيه سوله.. اليلچم اجروحي
اطش عمري ابشليله
وما اريد اليضحك ابوجهي چذ ب
وبيه سوله ..
لو مشيت ابسچه ماخون الدرب
سنين ..چونني الليالي اسنين بالغربة
وبعد بيه لعب
امنين ما شمس الوكت تندار
اخضر للمحبه ..
فياي وورود وعشب
مرّه.. شفت اثنين عصفورين
ذايبين ابعشگ .. کلش حار
وانه ارجف برد
اتذکرت.. اًول محبتي وياك..
والغميضه وبيوت العگد
اشلون چانت ذيچ دنيه
بيها فرحانین چنه اثنينه .. رغم البعد
راحت.. وما اضن هذيچ ايامنه الحلوه ترد
عوفني ..
ولك عوفني.. اترجاك يمعود
ولك توني نسيت
اشذكرك بيه واجيت