حلى واجمل البوذيات
غشيم وعلى جروحي عمية عينة
وعلى صوابي يعاين عمية عينية
مصدك بالوزارة عم يعينة
ولك عمك يدور عم خطية
لوى الاحزان كلبك لو لواتة
وقوافي الشعر بيدك لو لواتة
حرامي تكول صاير لو لواتة
اذا لوتي فما تكدر علية
انة مجرب وفي ومعروف واصلي
جنوبي ومال الاول زين واصلي
اذا ينكطع بالطيبين وصلي
اريد الله وهلي يكطعون بية
خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خاللي
شكلك وانتة ابوية وخال الية
بعتلج كلبي وانطيتج وصل بيه
وعذابج لاخر الدنيا وصل بيه
د خلي عالجمر بيدج وصلبيه
ولا مكسور خاطر يرد لية
لوى الاحزان كلبك لو لواتة
وقوافي الشعر بيدك لو لواتة
حرامي تكول صاير لو لواتة
اذا لوتي فما تكدر علية
اكَوم اجلالاً لشخصك واقفـلك
وأسجل كَلبي ياخلي وقفـلك
وأحطك بيه وأقفلنه وأقفـلك
وأطب بصدري وأقفلكم عليــه
بغيابك تيهت صومي ولامساك
وصباحك مايكفيني ولامساك
الف هنيالي اذا اشمك ولامساك
واطفي بشمتك نار الي بية
شفتك ما شفت زخك ورعداك
وخلص حيله الكلب يركض ورعداك
اطيح ولاتظن امشي ورعداك
شماته نصير للوادم
منك نار تسعر بينه كبره
واذا من روحي ابره منك ابره
تعال الخيط مني ومنك ابره
نخيط جروحنه ونكَعد سويــه
مع تحيات اخوكم سمير داكي
ارجوا ان تنالت باعجابكم
تقبلوا تحيات شباب داكا